原來… 這麼遠? 那麼近~

今日睇到篇新聞話由於早前澳門發生了沉船意外,
令到多班來往香港到澳門船隻交通受到影響,
文中有一個乘客一叫船公司欲想乘火打劫般,
本想沒有什麼大不了,
只是見今晚有點空檔打機,
想頭一想就錄了一小段,
原來香港來往澳門真的很近!!!
(如果地球上有這隻飛機,而香港有航空公司開這條航條…)

錯曬~~~
大家睇過笑笑就算了,
唔好同我講咩步驟錯,冇前冇後… 云云…
(由於想快心急,飛得唔好,唔好見怪…)

 

相關連結:

澳門沉船封航道 乘客滯留信德鼓譟

Extreme Landings Pro

首次蘋果產品保用

大大話話用 Apple 的產品都已經好幾年,
但有關維修保養真係未試過 (touch wood 講過 !!!)。

在 Apple 網站和客服"交流",的確要不少耐性和定力…

故事就在今天中午外出買飯時,
突然發現耳筒的左邊沒有了聲音,
試過重插… 甚至重啟 iPhone 也沒有用。
回到寫字樓就在 apple 的網站按按按,
Apple 的客服 ICQ 後,
就在 TSO 的網站預約了維修。

晚上到了維修中心,
整個維修中心連同可見的職員亦只有八個人…
等了一會兒,
職員問了一下問題,
仔細地研究了耳機, (真的很仔細,是要看看耳筒內有沒有耳屎?)
簽了一份文件… 等了一會,
就換了一個全新的耳機給我了。
前後也用不了二十分鐘。
(只是中午在找"預約"也用了二十多分鐘…)

位於銅鑼灣的維修中心,中心內的客人出奇的少。

 

全新 EarPods 到手,又可以聽音樂了。

相關連結:

AppleCare

蘋果授權維修中心

 

震撼價到底有幾震撼呢? 百佳篇

本來我買嘢就唔會點記價錢(記性差+懶)
只要唔係差好多又有需要買就 ok。

話說今日去咗百佳想買汽水,
行過見到平時都有食的桂格燕麥有孖裝特價,
就看了一下,又多事睇下單點價錢,如下:

桂格燕麥方塊孖裝連維他奶無糖豆漿一盒
原價報稱 $63.5 ,現特價 $54.9
桂格燕麥方塊單盒原價 $31.9 ,現特價 $23.9
維他奶無糖豆漿一盒原價 $9 ,沒有特價。

好了,數學題:

1. 兩盒原價的燕麥方塊加維他奶豆漿為 $31.9 X 2 + 9 = $72.8
2. 兩盒特價的燕麥方塊加維他奶豆漿為 $23.9 X 2 + 9 = $56.8
3. 散裝同樣數量的燕麥方塊比孖裝可節省 $56.8 – $54.9 = $1.9

好了,購買孖裝的確是比散裝購買便宜,但 $1.9 到底有多震撼呢?

另外… $63.5 是如果計算出來的呢?

會到明日世界終結時嗎? 香港寬頻篇

話說年前已經試過發訊息去 HKBN 反映網絡覆蓋的問題,
但沒有什麼好的回應…
今年又再發一下,
其實收到的回覆和上年差不多…
不過"感覺"正面了一點。
(其實可能只是不同 PR 回覆的方法不同吧了)

就開個盤口,看看我要再多等幾多時間,
才有公司會拉條光纖比我~~~!!!

 

28052016 小記

依半年真係發生好多事,
洗錢又多…
其中一樣係用作去旅行都已經夠嚇自己了。
先係十一月去咗一轉台灣,
之後二月去咗新加坡,三月日本,
上個星期又去多次台灣。
(喂喂,有冇 part time 可以幫補下… )

身邊的人亦發生了不少事,
有病的,亦有離世的…
總之都係嗰句,要珍惜自己身邊的人耶…

P.S. 上星期訂了支座檯燈,星期五送咗過來,
比想像中要好~~~ 有時間影出來介紹下。

o! ePay ~~~ 真係噢……

今個星期二香港的八達通公司推出了他們所謂的新服務 – o! epay (下稱 oePay),
早上本來打算利用在坐地鐵回公司的時間登記一下,
那知申請一個戶口,又要身分證副本,還要住址証明,
在街上那會是給人登記的地方呢,
結果… 到了晚上回家才作"登記"。

對,是登記吧了,登記後是不能馬上使用的。
你先要得三天 (網上有網友說他們一天就已經可以用了)
好啦~~~ 等開通… 又要時間…
過了兩天… 早上發現戶口終於開通了…
想把八達通加入去…. e?
原來 iOS 不止不能像想像給八達通增值 (因為 iPhone 的 NFC 沒有開放出來),
就連想用手動輸入八達通的號碼的門也沒有…
好,是我錯… 又要等放工回家後找部 Android 做。

好了… 加完八達通了… (記着,新增號碼是用手入的,不是用 NFC 咇來加入的)
又要等 24 小時喎~~~~~
(我去銀行排隊開一個全新的戶口… 申請麻提款咭分分鐘都係一個小時內完成,
到這一步已經用了我三天了…)

又好了,終於"應該"登記好了,
想試一下把由八達通的錢,轉到那個 oePay 戶口內,
就在這個畫面…

 

 

 

等了十分鐘…
以為是自己的手機有問題…
重開… 唔得… boot 機… 唔得,
重裝app…唔得… hard reset… 唔得…
就是停在這個地方…

到底係咪唔鐘意我部機定唔鐘意我???!!!???

還是是這個 service 加這個 app 九流???!!!???
粗俗尐講句: 好易畀? 你邊忽好易畀呀???!!!???

 

 

相關連結:
o! e-pay 好易畀

« Older Entries